Portada
Temas
Confederal
Sectores
Entrevistas
Opinion
Multimedia
Contacta
 
 
Artigos de opinión
A partida de xadrez xeopolítica EEUU-Rusia en América Latina
27/05/2016Germán Gorraiz Lopez
As medidas cosméticas tomadas pola Administración Obama no seu primeiro mandato, a respecto de Cuba, deixan intacto o bloqueo e non cambian substa...
O novo cenário brasileiro
27/05/2016Immanuel Wallerstein
O que um movimento que venha a suceder o PT poderá fazer é voltar às raízes, como movimento anti-imperialista consistentemente de esquerda. Não...
Estratégia do golpe global
27/05/2016Manlio Dinucci
No campo de visão da estratégia golpista de Washington encontram-se hoje o Brasil, para minar por dentro os Brics, e a Venezuela, para minar a Ali...
Brasil: O assalto ao poder de um bando de aventureiros
26/05/2016Emir Sader
Privatização de tudo o que puder, sem limite, sem pudor, liquidação do patrimônio publico, entregue ao mercado e aos grandes capitais privados ...
O Euro e a crise na e da União Europeia
26/05/2016João Ferreira
A recuperação da soberania monetária – e por arrastamento da soberania cambial, orçamental e fiscal – é condição necessária, ainda que i...
Venezuela
26/05/2016Pedro Guerreiro
Confederal
13/3/2011 A CIG demanda un cambio nas políticas antisociais, o mantemento das caixas de aforros e unha reactivación do tecido produtivo galego
Máis de 5.000 persoas participaron este domingo na manifestación convocada pola CIG e o BNG baixo o lema “Galiza ten dereito. En defensa do aforro, o emprego e o País”. A marcha saíu pouco despois das doce do mediodía dende a Alameda de Compostela e rematou na Praza da Quintana. Alí o catedrático de economía aplicada da USC, Xavier Vence, foi o encargado de ler un manifesto no que se demandou unha viraxe inmediata das políticas antisociais practicadas polos gobernos galego e español e se denunciou o abandono ao que se ven sometidos sectores básicos da nosa economía.
11/3/2011 A marcha sairá ás 12:00 horas dende a Alameda de Compostela
A CIG e o BNG teñen convocada unha manifestación nacional este domingo, 13 de marzo, en Compostela, baixo o lema “Galiza ten dereito. En defensa do aforro, o emprego e o país”. A marcha quere ser unha resposta contundente aos ataques que están a padecer sectores estratéxicos do noso País, nomeadamente as caixas de aforros. Así mesmo, a manifestación que a Federación de Químicas da CIG tiña previsto realizar o domingo 13 na cidade da Coruña en contra do Decreto do Carbón, ficou finalmente desconvocada, ao integrarse na marcha de Compostela, dado o seu carácter máis global.
10/3/2011 A central chama a continuar na loita pola defensa do emprego, uns salarios e pensións dignas e dar a batalla por un cambio de modelo económico e social
Con motivo da conmemoración do 10 de Marzo, Día da Clase Obreira Galega, data na que se lembra o asasinato a mans da policía de Amador Rei e Daniel Niebla, operarios da antiga Bazán, no ano 1972, miles de persoas participaron nas manifestacións convocadas pola CIG nas cidades de Ferrol e Vigo. Nesta ocasión as protestas estiveron centradas na denuncia do pacto económico e social asinado en Madrid polo goberno, a patronal, CCOO e UGT, e nomeadamente contra da reforma das pensións e a negociación colectiva.
9/3/2011 A central nacionalista chama a dar a batalla na defensa dos dereitos, por unhas condicións dignas de traballo e no camiño cara a un novo modelo económico e social
A Confederación Intersindical Galega celebrou este mércores a quinta edición do Premio do Día da Clase Obreira Galega no marco dun acto de confraternidade. Nesta edición, a central sindical recoñeceu á loita das traballadoras e traballadores de Ecourense na defensa dos dereitos e liberdades sindicais e destacouse o conflito vivido nesta empresa como exemplo de solidariedade entre a clase obreira. Así mesmo, as loitas do persoal de Alfageme polos seus empregos e a dos/as traballadores/as das instalacións deportivas na consecución dun convenio propio recibiron unha mención especial.
7/3/2011 As mobilizacións sairán ás 20:00 horas dende a Avenida do Esteiro e dende a viguesa Vía Norte
A CIG presentou este luns os actos que vai desenvolver con motivo da conmemoración o vindeiro xoves do “10 de Marzo, Día da Clase Obreira Galega”, data na que se lembra o asasinato a mans da policía de Amador Rei e Daniel Niebla, operarios da antiga Bazán, no ano 1972. As manifestacións desenvolveranse en Ferrol e Vigo, nesta ocasión nucleadas en contra do pacto económico e social asinado en Madrid polo goberno, a patronal e CCOO e UGT, e nomeadamente contra da reforma das pensións e a negociación colectiva. A Confederación outorgou carácter nacional á marcha de Ferrol, que sairá ás 20:00 horas dende a Avenida do Esteiro (diante dos locais do sindicato), mentres que a mobilización de Vigo partirá da Vía Norte á mesma hora.
4/3/2011 A Secretaría da Muller denuncia os profundos recortes levados a cabo no último ano polos gobernos nas políticas de igualdade
A Secretaría da Muller da CIG celebrou este venres o acto de entrega do V Premio 8 de Marzo, que foi outorgado á traballadora de Autobuses de Calo (Hedegasa), Nélida Pisco, pola dura batalla que nos últimos dous anos vén desenvolvendo polo seu dereito a conciliar a vida laboral e familiar. “A loita de Nélida é un verdadeiro exemplo de coraxe e superación. É a loita dunha nai, dunha traballadora comprometida, que en ningún momento, a pesares das dificultades, foi quen de renunciar ao seu dereito de compatibilizar a súa maternidade co seu posto de traballo”, subliñaba a Secretaria de Organización da CIG durante o acto.
4/3/2011 A Secretaría da Muller da CIG advirte que as altas taxas de temporalidade e os baixos salarios dificultarán o dereito a cobrar o 100% das prestacións, mesmo traballando até os 67 anos
Se nestes momentos se aplicara a totalidade da reforma das pensións recollida no pacto social, só o 23% das mulleres traballadoras que se xubilan en Galiza aos 65 anos terían dereito a percibir o 100% da prestación, fronte ao 71% dos homes que a esa idade conseguiron cotizar 38.5 anos. Así o revela o informe sobre a situación sociolaboral da muller na Galiza que a CIG vén de presentar con motivo da celebración do 8 de Marzo, Día da Muller Traballadora. Este ano, a Secretaría da Muller ten posto en marcha unha campaña para denunciar as consecuencias dos recortes de dereitos e prestacións que dende os gobernos se están a aplicar, e que afectan especialmente ao colectivo de mulleres traballadoras.
Engadir ao calendario
cig.prensa@galizacig.com